Avstriyanın xarici işlər naziri İran rəsmilərinə dinc etirazçılara qarşı zorakılığa görə məsuliyyətə cəlb olunacaqları barədə xəbərdarlıq edib.

Axar.az xəbər verir ki, bu barədə Avstriyanın xarici işlər naziri Beate Maynıl-Rayzinger X hesabında paylaşım edib.

"İran hakimiyyətinin dinc etirazçılara qarşı istifadə etdiyi qəddar zorakılığı ən sərt şəkildə pisləyirəm. Avstriya bu vəziyyətdən aydın nəticələr çıxarır. İnsan haqlarını pozan və məsuliyyətdən yayınmağa çalışan rejimlə əlaqəli şəxslər ölkəmizdə sığınacaq tapmayacaqlar. Burada sığınacaq axtarmağı ağlınıza belə gətirməyin”, - o qeyd edib.