İran ABŞ-ın Qətərdəki Əl-Üdeyd aviabazasına raket hücumunu Qətər rəsmiləri ilə koordinasiya edib və itkiləri minimuma endirmək üçün qabaqcadan xəbərdarlıq edib.

Axar.az xəbər verir ki, bu barədə “Nyu York Tayms” planlarla tanış olan üç İran rəsmisinə istinadla məlumat yayıb.

Rəsmilər bildiriblər ki, İran simvolik olaraq ABŞ-a cavab zərbəsi endirib.

Qeyd edək ki, 22 iyunda ABŞ-ın İrandakı nüvə obyektlərinə zərbələrinə cavab olaraq bu gün Amerikanın Qətər, İraq və digər Yaxın Şərq ölkələrindəki bazalarına hücum edib. Hücumum artıq başa çatması ilə bağlı SEPAH bəyanat yayıb.

Hücum zamanı hər hansı dağıntı və tələfatla bağlı məlumat yoxdur.