ABŞ və İsrail birinci məqsədlərinə çatdıqlarını bəyan ediblər, yəni İranın uranı zənginləşdirmək mərkəzləri yararsız hala düşüb. Ancaq ikinci məqsədlərinə, yəni rejim dəyişikliyinə nail olmadılar. Bunun üçün daha uzun müddət lazımdır.

Axar.az xəbər verir ki, bu sözləri politoloq Elxan Şahinoğlu İsrailin 13 iyunda İrana zərbəsi ilə başlayan müharibənin bu gün atəşkəslə başa çatması haqda qeyd edib.

“İrandakı rejim öz varlığını qorumaq istəyirsə, daxili və xarici siyasətini ciddi şəkildə korrektə etməlidir. Buna ümid azdır. Çünki İranda islahatların genişlənməsi rejimin dəyişməsi anlamına gəlir. Mühafizəkarlar buna getməzlər”, - o bildirib.