May ayında Lefortovo istintaq təcridxanasından N.V.Sklifosovski adına Elmi Tədqiqat İnstitutuna təcili olaraq yerləşdirilən Rusiya Federasiyası müdafiə nazirinin keçmiş müavini general Pavel Popovun vəziyyəti ağırdır.

Axar.az xəbər verir ki, dələduzluqda ittiham olunan generalın vəkili Denis Saqaçın TASS-a verdiyi məlumata görə, həkimlər heç bir proqnoz vermirlər.

Eyni zamanda Denis Saqaç bildirib ki, hərbi məhkəmə Popovun həbsini daha bir ay, iyulun 21-dək uzadıb.

Qeyd edək ki, Popov ötən il avqustun 29-da saxlanılıb və elə həmin gün ona qarşı dələduzluq və vəzifə səlahiyyətlərindən sui-istifadə (Rusiya Federasiyası Cinayət Məcəlləsinin 159-cu maddəsinin 4-cü hissəsi) ilə mənimsəmə ittihamı irəli sürülüb.