İran dövlət televiziyası ölkənin ali dini rəhbəri Seyid Əli Xameneinin videomesajını yayımlayıb.

Axar.az xəbər verir ki, Xamenei İsraillə 12 günlük müharibədən bəhs edib.

“İrana hücum onlara çox baha başa gəldi. ABŞ rejimi birbaşa müharibəyə qoşuldu. Çünki qoşulmasaydı, sionist rejimin (İsrail – red.) tamamilə məhv olacağını hiss edirdi. O, bu rejimi xilas etmək üçün müharibəyə girdi, lakin heç nə əldə edə bilmədi. Onlar (ABŞ – red.) eyni zamanda nüvə obyektlərimizi vursa da, çox şey əldə etmədilər. İslam Respublikası qalib gəldi və bunun müqabilində ABŞ-ın üzünə ağır şillə vurdu”, - Xamenei əlavə edib.