Fransa Prezidenti Emmanuel Makron Brüsseldə keçirilmiş AB sammitinə gecikib.

Axar.az xəbər verir ki, Fransa lideri tədbirin rəsmi başlamasından təxminən saat yarım sonra AB Şurasının qərargahında görünüb.

Jurnalistlər Makronun yorğun göründüyünü qeyd ediblər.

Sosial şəbəkələrdə bəzi şərhçilər hətta prezidentin sadəcə yuxuya getdiyini iddia ediblər. Gecikdiyi üçün o, sammit öncəsi ənənəvi mətbuat konfransını buraxıb, həmçinin liberal liderlər qrupunun görüşünə də gəlməyib.

Jurnalist Çey Bose sosial şəbəkədə yazıb:

"AB sammiti başladı. Makron 1,5 saat gecikdi və körpünün altında yatmış kimi görünürdü".