ABŞ-ın Qrenlandiya üzərində mümkün nəzarət planlarından narahat deyiləm.

Axar.az xəbər verir ki, bunu Danimarkanın Arktika Komandanlığının rəhbəri Soren Andersen bildirib.

"Mən yaxşı yatıram. Biz həmişə olduğu kimi, hərbi sahədə əməkdaşlıq edirik", - Andersen deyib.

Qeyd olunur ki, ABŞ uzun müddətdir ki, Qrenlandiyaya strateji əhəmiyyətli ərazi kimi baxır:

“Şimali Amerika ilə Avropa arasında ən qısa yol oradan keçir və burada əsas raket bazası yerləşir”.

Andersen vurğulayıb ki, Danimarkanın qeyri-sabit beynəlxalq vəziyyət kontekstində Qrenlandiyanın müdafiəsini gücləndirməsi vacibdir:

"Rusiya Qrenlandiya yaxınlığında davranışını dəyişməyə başlasa, mən cavab verə bilməliyəm. Əgər Rusiya şərq sahilinə enərsə, bu əməliyyat tez bir zamanda xilasetmə əməliyyatına çevriləcək".