Ankara və İstanbulun içməli su təminatında ciddi problemlərlə üzləşəcək Türkiyə son 52 ilin ən quraq dövrünü yaşayır.

Axar.az xəbər verir ki, bu barədə “Posta” qəzeti Muğla Universitetinin dosenti Ceyhun Özçelikə istinadən bildirib.

“Türkiyədə 2025-ci ilin ilk 9 ayında son 52 ilin ən quraq dövrü qeydə alınıb. Yağıntının miqdarı mövsüm norması ilə müqayisədə 26 faiz azalıb. Bu il ölkəyə hər kvadratmetrə 520 millimetr yağıntının düşməsi gözlənilsə də, təxminən 380 millimetr yağış düşüb. Orta Anadolu bölgəsində bu nisbət yüzdə 36 civarında, Mərmərə, Egey və Aralıq dənizi bölgələrində yağış çatışmazlığı yüzdə 30 civarındadır. Türkiyədə doqquz ay ərzində 26 faizlik yağıntı kəsiri bütün ölkə üzrə kənd təsərrüfatı məhsullarının ciddi şəkildə təsirlənəcəyi deməkdir”, - Özçelik qeyd edib.

Onun sözlərinə görə, qüsurlu şəhər infrastrukturu, su anbarlarının olmaması və ya çatışmazlığı olan yaşayış məntəqələrində və meqapolislərdə içməli su təchizatı ilə bağlı böyük problemlər qaçılmazdır.