AB ABŞ-la davam edən ticarət danışıqları fonunda İlon Maskın X sosial şəbəkəsilə bağlı araşdırmanı dayandırır.

Axar.az xəbər verir ki, bu barədə “Faynənşl Tayms” mənbələrə istinadən məlumat yayıb.

“AB araşdırmanın nəticələrini yayda açıqlamalı idi, lakin bu müddəti ötürə bilər. Qərar Vaşinqton və Brüssel arasında ticarət danışıqlarının gedişindən asılıdır, çünki heç kim ABŞ Prezidenti Donald Trampı incitmək və transatlantik ticarət münaqişələrini gücləndirmək istəmir”, - mənbə bildirib.

Qeyd edək ki, AB-də X ilə bağlı araşdırma 2023-cü ilin dekabrında başlayıb. Sözügedən şəbəkənin qanunsuz məzmunun silinməsi tələblərini pozduğu iddia olunur.