Türkiyənin 15-16 iyul 2025-ci il tarixlərində Boqota şəhərində keçirilən toplantıdan sonra Haaqa məhkəməsinin İsrail əleyhinə hazırladığı birgə bəyannaməni dəstəkləmədiyinə dair iddialar əsassız və dezinformasiyadır.

Axar.az xəbər verir ki, bu barədə Türkiyə Xarici İşlər Nazirliyinin bəyanatında bildirib.

“Təcrübəsi və biliyi olan hər kəsin bildiyi kimi, beynəlxalq görüşlərdə qəbul edilən qərarlar və birgə bəyannamələrə münasibət çox vaxt müəyyən vaxt çərçivəsindən sonra baş verir. Ölkələr Boqota görüşünün sonunda hazırlanan birgə bəyannaməyə 20 sentyabr 2025-ci il tarixinə qədər rəy verə bilərlər. Hazırda iclasda iştirak edən 30 ölkədən yalnız 12-si bəyannaməyə münasibətini bildirib. İclasın sonunda dərc edilən birgə bəyannamədə yer alan bəzi məsələlər Türkiyənin beynəlxalq hüquqi öhdəliklərinə görə qurumlararası koordinasiya tələb edir. Bu çərçivədə bütün əlaqədar qurum və təşkilatlar birgə bəyannamədə iştirak etməzdən əvvəl lazımi hazırlıqları tamamlamalıdır. Əslində, birgə bəyannamədə qeyd olunan tədbirlərin demək olar ki, hamısı artıq Türkiyə tərəfindən həyata keçirilir. Türkiyə bundan əvvəl olduğu kimi, fələstinlilərin hüquqlarını qoruyan bütün təşəbbüsləri güclü şəkildə dəstəkləməyə davam edəcək”, - bəyanatda qeyd edilib.