Polyakların 60 faizindən çoxu hesab edir ki, Ukrayna və onun Qərbdəki tərəfdaşları Varşavanın Kiyevə dəstəyini müsbət qarşılamır.

Axar.az xəbər verir ki, bu barədə “SV Research” tədqiqat mərkəzinin hazırladığı sorğuda bildirilib.

Məlumata görə, respondentlərin 64,4 faizi bu fikirdə olsa da, 15%-i düşünür ki, Varşavanın yardımını yüksək qiymətləndirirlər. Sorğu iştirakçılarının 20%-nin bu məsələ ilə bağlı fikri olmayıb.

Bundan əvvəl Polşa Prezidenti Andjey Duda bir sıra müsahibələrində NATO müttəfiqlərinin və Kiyevdəki hakimiyyət orqanlarının Rusiya ilə hərbi münaqişə zamanı Varşavanın Ukraynaya yardımdakı rolunu lazımınca dəyərləndirmədiyi barədə fikir bildirib. O, həmçinin müttəfiqlərin Polşanın əsl əhəmiyyətini başa düşmələri üçün Rzeşov hava limanındakı logistika mərkəzini bağlamağı təklif edib.