Serbiya Avropa Birliyinin Rusiyaya qarşı sanksiyalarını dəstəkləmir, çünki bu, Rusiyaya heç bir təsir göstərməyəcək, lakin Serbiya iqtisadiyyatına çox ciddi təsir edəcək.

Axar.az xəbər verir ki, bunu Serbiyanın Avropa məsələləri üzrə naziri Nemanya Staroviç bildirib.

O, həmçinin qeyd edib ki, Serbiya AB-nin üzvü olmadığından, AB-nin təqdim etdiyi təhlükəsizlik meyarlarına malik deyil.

Nazir söyləyib ki, Serbiya AB-yə üzvlüyü dəqiqləşən kimi, yəni üzvlük tarixindən bir neçə ay əvvəl AB-nin sanksiyalarını tam şəkildə dəstəkləməyə hazırdır.

O vurğulayıb ki, Belqrad ilk gündən Rusiya işğalını açıq və birmənalı şəkildə pisləyib.