Ağ Evin rüsumlarını 30%-dən 15%-ə endirmək üçün Avropa Komissiyası (AK) Rusiyadan gələn neft və qazı tamamilə ABŞ-ın LNG, neft, neft məhsulları və nüvə yanacağı ilə əvəz edəcəyini vəd edib ki, bu da 750 milyard dollar dəyərindədir.

Axar.az xəbər verir ki, bu barədə Avropa Komissiyasının sədri Ursula fon der Leyen ABŞ Prezidenti Donald Trampla görüşündən sonra deyib.

"Sazişə AB-nin böyük həcmdə ABŞ-dan LNG və nüvə yanacağı alması, eyni zamanda Rusiya qazı və neftindən tamamilə imtina etməsi daxildir", - o bildirib.

Leyenin sözlərinə görə, AB ölkələri hələ də çox Rusiya qazı alırlar və Rusiya neft məhsulları AB-yə “arxa qapı”dan gəlir.

O, AB-nin artıq Rusiya resurslarını istəmədiyi fikrini ifadə edib və ABŞ-ın LNG-sinin daha yaxşı olduğunu qeyd edib.

Qeyd edək ki, ötən gün Şotlandiyada baş tutan görüşdə ABŞ və AB arasında ticarət razılaşması barədə razılıq əldə edilib.