Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Oktyabr 2019


Dumada azərbaycanlı rəssamın sərgisi açıldı - Foto

Ana səhifə Kult Rəsm
12 Punto 14 Punto 16 Punto 18 Punto

Moskva Şəhər Dumasında Rusiyanın və Azərbaycanın Əməkdar rəssamı Əsgər Məmmədovun “Nar dalğaları” adlı fərdi sərgisi açılıb.

Kult.az xəbər verir ki, sərgidə rəssamın Azərbaycan və Rusiya, Qarabağ, Bakı mənzərələri və digər mövzularda çəkdiyi peyzajlar, natürmortlar, portretlər nümayiş olunur.

Sərginin açılışında çıxış edən Moskva Şəhər Dumasının sədri Aleksey Şapoşnikov deyib ki, rəssam Əsgər Məmmədovun əsərlərinin əksəriyyətində nar əks olunub. “Biz bilirik ki, narın ilin günləri qədər - 365 dənəsi var. Qoy, hər günümüzü bu gün Moskva Şəhər Dumasını bəzəyən sənət əsərləri bəzəsin”, - deyə o bildirib. A.Şapoşnikov vurğulayıb ki, Rusiya ilə Azərbaycanı mehriban dostluq əlaqələri birləşdirir və bu münasibətlər bundan sonra da möhkəmlənəcək.

Azərbaycanın Rusiyadakı səfiri Polad Bülbüloğlu Əsgər Məmmədovu fərdi sərgisinin açılması münasibəti ilə təbrik edib. Səfir Ermənistan-Azərbaycan Dağlıq Qarabağ müharibəsi zamanı Ə.Məmmədovun əsərlərinin saxlandığı ev-muzeyinin yandığını və rəsmlərin məhv olduğunu vurğulayaraq deyib: “Lakin o, ruhdan düşməyib, işləyir və yeni əsərlər yaradır. Sərgidə gördüyünüz rəsmlərdə Vətən həsrəti hiss olunur. Əsgər Məmmədov doğma Vətəni Azərbaycanı, Qarabağı heç zaman yaddan çıxarmır”.

P.Bülbüloğlu A.Şapoşnikovu yenidən Moskva Şəhər Dumasının sədri seçilməsi münasibəti ilə təbrik edib, ona fəaliyyətində uğurlar arzulayaraq deyib: “Moskva Şəhər Dumasının VII çağırış deputatlarını təbrik edirəm. Moskvada çoxlu sayda azərbaycanlı yaşayır və işləyir. Biz Rusiya paytaxtında baş verən hadisələrə biganə deyilik. Deputat korpusuna fəaliyyətlərində uğurlar arzu edirəm”.

Mərasimdə çıxış edən tarix elmləri namizədi Manaf Ağayev, Rusiyanın Əməkdar rəssamı Pavel Boyko, şair Sultan Mərzili, “Dirçəliş və Ümid” Xeyriyyə Fondunun rəhbəri İrina Boqaçyova rəssamın yaradıcılığında söhbət açıblar.

Əsgər Məmmədov sərginin təşkilinə görə Moskva Şəhər Dumasına təşəkkürünü bildirib. O qeyd edib ki, sərgidə təqdim olunan əsərlərin əksəriyyəti Azərbaycana həsr edilib: “Mənim 50 illik yaradıcılıq yolumun başlıca ilham mənbəyi Azərbaycandır. Yaratmaq əzmini və gücünü də məhz Vətənimdən alıram”.

Tarix
2019.10.01 / 00:34
Müəllif
Kult.az
Şərhlər
Digər xəbərlər

Salvador Dalinin məşhur qravürası oğurlandı

Texnologiyada daha bir sensasiya: İlk robot-rəssam...

Bakı və Parisin gördüyü işlərin nəticələri ilə bağlı sərgi - Foto

Səyyar sərgi: “Yenə o bağ olaydı” - Foto

Lavrov Tahir Salahovun sərgisində - Foto

“Dünyanın xilaskarı” vəliəhdin yaxtasından çıxdı

Bakıda “Odun ruhu. Vizual səyahətə dəvət” sərgisi açıldı - Foto

Leyla Əliyeva “Tarixin şah əsərləri” adlı sərgidə - Foto

Leyla Əliyeva Seretelinin sərgisinin açılışında - Foto

Leyla Əliyeva rəsm sərgisinin açılışında - Foto

KULT
<>
Xəbər xətti
 
Axar.az'da reklam Bağla
Reklam
Bize yazin Bağla