Ana səhifə Sağlıq |
Türkəçarə üsullarla bədən üzvlərində çıxıq və sınığı bərpa edənlər çoxdur. Elə bölgə sakinləri də sınıq zamanı bu cür sınıqçılara müraciət edirlər. Ancaq həkimlər həyəcan təbili çalır. Sınıq zamanı travmatoloq həkimlərə müraciət etməsəniz, siz ömürlük şikəst ola bilərsiniz.
Respublikanın baş travmatoloqu Vaqif Verdiyev Xəzər xəbər-ə bildirib ki, sınıqçılar zədələnmiş yerə müxtəlif sürtgü və maddələr qoyub sıxdıqları zaman qan dövranı pozulur və qolun funksiyası 80-90, bəzi hallarda isə 100 faiz itir.
Vaqif Verdiyev məsləhət görür ki, sınığı olanlar mütləq bu sahədə ixtisaslaşmış travmatoloq həkimlərə müraciət etməlidirlər. Sınığın olmasına şübhə yarandığında mütləq həmin hissə rentgen edilməlidir.
Baş travmatoloqun sözlərinə görə, bəzi ağır sınıqlarda cərrahiyyə əməliyyatlarına da ehtiyyac olur. Bu əməliyyatların adi sınıqçılar tərəfindən edilməsi isə daha da ağır fəsadlara yol aça bilər.
Tarix
2016.12.23 / 23:30
|
Müəllif
Axar.az
|