Burun əməliyyatı üçün xəstəxanaya gedən qadın hər iki ayağını itirməli olub.

Axar.az xəbər verir ki, hadisə İstanbulda baş verib. Belə ki, ailəli və bir uşaq anası olan Sevinc Çelik adlı gənc xanım burnunu estetik əməliyyat etdirmək üçün xəstəxanaya gedib.

Özəl xəstəxanaların birində əməliyyat olunan 25 yaşlı qadın bir müddətdən sonra evə buraxılıb, ancaq əməliyyatdan xeyli vaxt keçməsinə bvaxmayaraq, sağalmayıb. Daha sonra isə ayaqlarında problem yaranıb.

Müayinələrdən sonra məlum olub ki, qadın burun əməliyyatı zamanı xəstəxanada infeksiyaya yoluxub və bu onun bütün orqanizminə yayılıb.

Həyati təhlükəsi olan bu infeksiya səbəbindən qadın ölmə həddinə çatıb. Lakin həkimlər gəzmə qabiliyyətini tamamilə itirən qadının ayaqlarını amputasiya edərək infeksiyanın yayılmasının qarşısını alıblar.

Hər iki ayağını itirən gənc ana həkimləri və xəstəxananı məhkəməyə verib.