Axar.az
Yuxarı

Azərbaycanda ən çox ölümə səbəb olan xəstəlik hansıdır?

Ana səhifə Sağlıq
12 Punto 14 Punto 16 Punto 18 Punto

Dünyada 25-40 yaşlı insanlar arasında ürək xəstəliyi gəncləşib.

Trend-in məlumatına görə, bunu ABŞ-ın Klivlend Klinikasının kardioloqu Murad Tuzcu deyib.

Onun sözlərinə görə, indi 25-40 yaşlı insanlar 50 il əvvəlki dövrlə müqayisədə fərqli həyat tərzi keçirirlər:

"Onlar günlərini ya televizor, ya da kompüter qarşısında oturaraq, hərəkət etmədən keçirirlər. Bu, sonradan kökəlməyə səbəb olur: "Dünyada ürək xəstəliklərinin artmasının iki əsas səbəbi var. Ürək xəstəlikləri üçün ən önəmli risk faktoru yaşdır. Yaş artdıqca ürək-damar xəstəliklərinə məruzqalma şansı artır. Digər səbəb həyat tərzimiz - çox yemək, fiziki hərəkət etməmək, piylənmədir. Bu amillər olduğu zaman insanda ürək xəstəliklərinin olması çox normaldır. Bundan başqa, stress, siqaret çəkmək, havanın çirklənməsi də ürək xəstəliyi riskini yüksəldir".

M.Tuzcu əlavə edib ki, 30-40 il əvvəl infarkt diaqnozu ilə xəstəxanaya gələn 3 nəfərdən biri dünyasını dəyişirdisə, indi 30 nəfərdən biri ölür. Başqa sözlə, indi insanlar ürək xəstəsi olsalar da, uzun müddət həyatda qala bilirlər.

Azərbaycan Ürək-Damar Cərrahiyyəsi Cəmiyyətinin prezidenti Kamran Musayev bildirib ki, ölkəmizdə ürək xəstəliklərinin epidemiologiyası, rast gəlmə tezliyi üzrə göstəricilər dünyadakı nəticələrlə demək olar ki, eynidir. Ürək xəstəlikləri bütün dünyada ölümə səbəbolmaya görə ilk yeri tutur:

"Dövlət Statistika Komitəsinin verdiyi məlumatlara baxdıqda görmək olar ki, Azərbaycanda da eyni tendensiyalar müşahidə olunur. Təəssüf ki, Azərbaycanda ürək-damar xəstəliklərindən ölənlərin sayı daha çoxdur. Kardiologiya sahəsində bu qədər böyük inkişafın baş verməsinə baxmayaraq, bu gün belə nəticələr var".

Tarix
2019.06.08 / 16:44
Müəllif
Axar.az
Şərhlər
Digər xəbərlər

Meyvə qurularının inanılmaz faydaları

Omikron ştammından qoruyan qidalar

Adaçayının faydaları nələrdir?

Donuzun iki böyrəyi insana köçürüldü

Yaxın günlərdə “Turkovak”ın sınaqları başlayacaq

Yeni nazirdən Omikron açıqlaması

Bu şəxslərə çay içmək zərərlidir - Siyahı

ÜST-dən yeni ştamm xəbərdarlığı

Yüksək təzyiqi salan ucuz vasitə

Suya limon əlavə etməklə arıqlamaq olmaz

KULT
<>
Xəbər xətti
  
  
  
  
Axar.az'da reklam Bağla
Reklam
Bize yazin Bağla