Ana səhifə Sağlıq |
Milli Onkologiya Mərkəzində yaradılmış şərait bizdə böyük təəssürat oyatdı.
Axar.az xəbər verir ki, bu açıqlama ilə Anderson Xərçəng Mərkəzinin vitse-prezidenti Oliver Boqler çıxış edib.
Onun sözlərinə görə, Mərkəz tibb texnikası, mobil diaqnostika kompleksi, o cümlədən ən müasir avadanlıqla təchiz edilib:
"Bütün bunlar Azərbaycan hökumətinin ölkənin səhiyyə sahəsinə ciddi investisiyalar yatırdığını göstərir. Zəngin maddi-texniki bazaya və kadr potensialına malik Milli Onkologiya Mərkəzini dünyanın aparıcı onkoloji mərkəzləri ilə bir sıraya qoymaq olar".
O, Milli Onkologiya Mərkəzi və Anderson Xərçəng Mərkəzi arasında imzalanmış uzunmüddətli əməkdaşlıq müqaviləsi haqda da fikirlərini bölüşüb. Boqler deyib ki, onlar burada çox mürəkkəb cərrahiyyə əməliyyatlarının, habelə ciddi elmi tədqiqatların aparıldığına əmin olublar.
Tarix
2015.11.16 / 00:03
|
Müəllif
Axar.az
|