Allah məni onlardan, onları da məndən ayırmasın.

Bu sözləri əməkdar artist Kübra Əliyeva sənətdən uzaq düşməsi haqda Axar.az-a danışarkən deyib. O, səhhətindəki problemlərə görə sənət fəaliyyətinə vaxt ayıra bilmədiyini bildirib:

"Uzun müddətdir ki, xərçəng xəstəliyindən əziyyət çəkirəm və Milli Onkologiya Mərkəzində müalicə olunuram. Şükür ki, indi yaxşıyam. Amma tam sağalmaq üçün mütəmadi olaraq çalışmalı, daim həkim nəzarətində olmalıyam.

Səhhətimdəki ciddi problemlərə görə sənətimlə məşğul olmağa vaxtım və halım olmur. Sənətdən çox övladlarımın mənə ehtiyacı olduğunu düşünürəm. Allah məni onlardan, onları da məndən ayırmasın".