Türkiyənin ən uzunömürlü seriallarından olan "Arka sokaklar" yeni sezon finalının görüntüləri ilə böyük səs-küy yaradıb.

Kult.az Bakıvaxtı.az-a istinadən xəbər verir ki, sosial şəbəkələrdə yayılan görüntülər serialın əsas simalarının ard-arda ölü kimi göstərilməsi ilə tamaşaçıları heyrətə salıb.

Görüntülərdə xüsusilə Rza Baba, Hüsnü Çoban, Selin, Məsud və digər məşhur obrazların “həyatını itirdiyi” anlar diqqət çəkib.

Kadrlar qəfil silah səsləri, partlayış effekti və gərgin musiqi ilə müşayiət edildiyi üçün çoxları bunu serialın “ən şok finalı” kimi qiymətləndirir.

Qeyd edək ki, bundan öncə 20 ildir yayımlanan teleserialın bitməsi barədə məlumat yayılmışdı.