Əməkdar artist Ələsgər Məmmədoğlunun ilinə az qalıb.

Bu sözləri Ələsgər Məmmədoğlunun qardaşının həyat yoldaşı Nabat Əliyeva mərhuma göstərilən münasibət haqda Axar.az-a danışarkən deyib. O, nazirlikdən heç kimin onlarla maraqlanmadığını bildirib:

“Mədəniyyət və Turizm Nazirliyi bizimlə nə Ələsgər vəfat edəndə, nə də sonra maraqlandı. Teatrdan ailəsinə zəng edib soruşublar ki, yas nə vaxtdır, gəlmək istəyirik. Ailəsi həyət evinə köçüb artıq. O evi də ona görə tikdirmişdilər ki, Ələsgər həyət işləri ilə məşğul olsun, başı qarışsın. Qismət olmadı. İl mərasimi də həmin evdə keçiriləcək”.

Qeyd edək ki, Ələsgər Məmmədoğlu ötən il dekabrın 21-də vəfat edib.