Şair Faiq Balabəylinin “Səfillər” layihəsini Axar.az-dan daim izləyirdim.

Bu sözləri yazıçı Yeganə Kərimzadə Axar.az-da yayımlanan, şair Faiq Balabəylinin müəllifi olduğu “Səfillər” layihəsi əsasında film çəkilməsi haqda danışarkən deyib. O, filmin çəkilişlərinə yaxın günlərdə başlanacağını bildirib:

“Əslində, ilk gündən fikirləşdim ki, jurnalist obrazını məhz Faiq Balabəyli canlandırsın, bu, daha maraqlıdır mənim üçün. İnsan talelərinə biganə qala bilməyən yazıçı gözüylə onunla birgə hər bir insanın qiyabi də olsa, qonağı oldum. Hal-hazırda Az.Prodakşn bu layihə üzərində çalışır, ssenari işləri tamamlanmaq üzrədir. Yaxın zamanlarda ilk sınaq çəkilişlərimiz başlayacaq, artıq aktyorları seçirik”.