Beş ildir bir ideyanı başımda gəzdirirəm, çəkmək istəyirəm, amma alınmır. Film istehsalı ilə məşğul olan mötəbər şirkətlərdən biri bu ssenarinin çəkilməsi üçün lazım olan bütün texnikanı təmənnasız olaraq verir.

Kult.az xəbər verir ki, bu sözləri rejissor Cavid Təvəkkül müəllif filmlərinə vəsait ayrılmaması haqda Feysbuk səhifəsində yazıb. O, iki il əvvəl Küveytdən təklif aldığını, lakin qəbul etmədiyini bildirib:

“Mənə qalır yaradıcı, texniki heyətin pulunu vermək və digər xərcləri ödəmək. Bunun üçünsə 30 min manat lazımdır. Post-prodakşn işlərini də bir alman şirkəti öz üzərinə götürür. Bu 30 min manat nə mənədir ki, bu boyda məmləkətdə bunu tapa bilmirik? Getmədiyim yer qalmadı, döymədiyim qapı qalmadı. Müəllif filminə heç kim pul vermək istəmir. İki il əvvəl Küveytdən və BƏƏ-dən bu ssenarinin çəkilməsinə görə qrant ala bilərdim, verirdilər də, amma istəmədim. Bəlkə, xalqa müraciət edim?”