Tamaşaçılar məni seriallardan tanıyıblar. Bu işimi çox sevirəm, amma çəkilməyi sevsəm də, izləməyi sevmirəm. Heç bir serialı izləmirəm, çünki növbəti seriyanı gözləməyə səbrim çatmır.

Bu sözləri tanınmış aktrisa Cəmilə Tağızadə serialları izləməməsinin səbəbi ilə bağlı Kult.az-a danışarkən deyib. O, çox səbirsiz olduğunu bildirib:

“Mən kitab oxuyanda da tez oxuyuram ki, sonunu bilim. Filmləri də belə izləyirəm, yarımçıq qoyub növbəti gün izləyim, ya bir neçə saat sonra izləyim - bu, məndə yoxdur. Yəqin ki, hamısı səbirsizliyimlə bağlıdır. Hətta serialda ssenaristləri də dəng edirəm ki, görüm, sonu necə olacaq. Hazırda çəkildiyim “Cehizsiz gəlinlər” serialında Hicran obrazını canlandırıram. Onun sonu, aqibəti məni çox maraqlandırır. Amma təəssüf ki, ssenaristlərimiz hətta bizdən də gizlədirlər. Bütün tamaşaçılarımıza təşəkkür edirəm ki, bizi izləyirlər, sevirlər, bizimlə birgə kədərlənib, sevinirlər. Bizi izləməyə davam etsinlər”.