Novruz bayramı münasibəti ilə Binə qəsəbəsində yerləşən Əmək və Müharibə əlilləri üçün pansionatda iştirak edən əməkdar artist, aktrisa Nahidə Orucova təəsüratlarını Kult.az ilə bölüşüb:

"Novruz bayramına görə qocalar evində konsert proqramı ilə çıxış etdik. Konsertin aparıcısı mən idim. Məndən başqa digər sənət dostlarım da qocalar evində konsertdə iştirak etdi. Onlar çox sevindilər, biz çox kövrəldik. Hətta konsert vaxtı qocalar zarafatca bizə deyirdilər ki, siz daha gedin, musiqi başımıza düşür (gülür). Çünki onların yemək vaxtı idi. Bizim qocalarla görüşümüzü təşkil etdiyi üçün Natəvan xanım və Elman bəyə təşəkkürümü bildirirəm" - deyə aktrisa bildirdi.