“Lionsgate” studiyası “Rembo: Sonuncu qan” filminin premyerasının tarixini açıqlayıb.

Kult.az xəbər verir ki, Silvester Stallonenin iştirakı ilə yeni film 20 sentyabr 2019-cu ildə təqdim ediləcək.

Yeni film Stallonenin artıq 40 ildir ifa etdiyi Vyetnam müharibəsi veteranı obrazından bəhs edəcək. Filmin 2008-ci ildə ekranlara çıxan dördüncü hissəsində veteran atasının yanına, Arizonada yerləşən fermaya qayıdır. Yeni filmin hadisələri də məhz həmin regionda baş verəcək.

Qeyd edək ki, ilk film – “Rembo – Birinci qan” 1982-ci ildə çəkilib. Filmin rejissoru Ted Kotçeff olub. Filmin büdcəsi 15 milyon dollar olsa da, “Rembo” 125 milyondan artıq gəlir gətirib.