Xəzər TV-nin efirində Yaponiya istehsalı olan “Naoki Hanzava” serialının yayımına başlanılıb.

Kult.az xəbər verir ki, bu barədə “Xəzər Media Mərkəzi”nin mətbuat xidmətindən məlumat verilib.

Xəzər TV-nin baş prodüseri Toğrul Məmmədov bildirib ki, bu il Azərbaycan-Yaponiya diplomatik münasibətlərinin 30 illik yubileyidir və bu münasibətlə bir neçə layihənin həyata keçirilməsi nəzərdə tutulur:

"Yaponiyanın Azərbaycandakı səfirliyi ilə əməkdaşlıq müqavilə və lisenziya əsasında həyata keçirilir. Yaponiyada lisenziyalar dövlət qurumunda olur və “Japan Foundation” şirkəti bu lisenziyanı o qurumdan 3 illik “Xəzər Media Mərkəzi”nə verilməsini təmin edib. Bu ilin əvvəllərindən isə bizə göndərilən materialların dublyaj prosesinə başlanılıb”.

Serial dilimizə yapon dilindən deyil, ingilis dilindən tərcümə olunub.

Filmin dublyaj prosesi “Xəzər Media Mərkəzi”ndə Azərbaycanın xalq artisti Sabir Məmmədov, Emin Nəsirli, Ofeliya Novruzqızı, Məsmə Aslanqızı və başqalarının iştirakı ilə həyata keçirilib.