Prezidentin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev ABŞ Dövlət katibinin siyasi məsələlər üzrə müavini Alison Hukerlə görüşüb.

Axar.az xəbər verir ki, bu barədə Hikmət Hacıyev X-da bildirib.

H.Hacıyev Dövlət katibinin siyasi məsələlər üzrə müavini Allison Huker başda olmaqla ABŞ nümayəndə heyəti ilə görüşməkdən məmnunluğunu ifadə edib.

“Bizim müzakirələrimiz Ermənistan–Azərbaycan münasibətlərinin sülh yolu ilə nizamlanması gündəminin təbliği və əlaqələrin qurulması üzrə regional təşəbbüslərin həyata keçirilməsi də daxil olmaqla, bir çox məsələləri əhatə edib. Biz həmçinin əsas regional və qlobal hadisələr barədə fikir mübadiləsi apardıq, Azərbaycan ilə ABŞ arasında strateji tərəfdaşlıq ruhunu təsdiq etdik”, - Prezidentin köməkçisi qeyd edib.