Ermənistanın Baş naziri, böyük dost və lider Nikol Paşinyan ölkəsini güclü, zəngin və çox təhlükəsiz edir.

Axar.az xəbər verir ki, bunu ABŞ Prezidenti Donald Tramp özünün "Truth Social" sosial şəbəkəsindəki hesabında yazıb.

“Nikol mənim Ermənistan və Cənubi Qafqaz üçün sülh və rifah vizyonumu tam bölüşür.

Dövlət katibi Marko Rubio bu yaxınlarda Ermənistana səfər etdi və orada hər iki ölkə üçün bir neçə vacib razılaşma imzaladı. Tezliklə ABŞ və Ermənistan Cənubi Qafqazı dəyişdirəcək və böyük Amerika enerji şirkətlərimizin Orta Asiyadan ABŞ-a qədər çıxış əldə etməsinə kömək edəcək "Beynəlxalq Sülh və Rifah üçün Tramp Marşrutu"nu qurmaq üçün birlikdə çalışacaqlar. Bu səbəblərə görə Nikol 7 iyun 2026-cı ildə yenidən seçilmək üçün tam və şərtsiz dəstəyimə malikdir. Nikolun köməyi ilə biz ABŞ-ı, Ermənistanı, Cənubi Qafqazı və Orta Asiyanı görünməmiş yüksəkliklərə qaldıracağıq”, - Tramp bildirib.