Axar.az
Yuxarı

Paşinyan bu suala cavab verə bilərmi? – Leyla Abdullayeva

Ana səhifə Siyasət
12 Punto 14 Punto 16 Punto 18 Punto

Avropa Parlamentində çıxışı zamanı Dağlıq Qarabağın gələcəyini orada yaşayan insanların müəyyən etməli olduğunu və Dağlıq Qarabağı təmsil etmədiyini iddia edən Ermənistan baş nazirinə belə bir sual ünvanlamaq istərdim. Əgər belədirsə, o zaman Ermənistan vətəndaşı olan gənclərin digər ölkənin torpağında, yəni Azərbaycan Respublikasının işğal olunmuş ərazilərində nə işi var? Nə səbəbdən bu gənc insanlar öz həyatlarını itirməli olurlar?

Axar.az xəbər verir ki, bu sözləri XİN-in mətbuat xidmətinin rəhbəri Leyla Abdullayeva Ermənistan Baş nazirinin Avropa Parlamentinin Xarici Əlaqələr Komitəsində çıxışı zamanı səsləndirdiyi fikirlərə münasibət bildirərkən deyib. O bildirib ki, Ermənistan baş nazirinin bu kimi əsassız bəyanatları nəinki beynəlxalq ictimaiyyəti, eyni zamanda Ermənistanda, Azərbaycanın Dağlıq Qarabağ bölgəsində, eləcə də dünyada yaşayan erməniləri aldatmaqdan başqa bir şey deyil:

"Bölgənin “yeni şəkildə dialoq, sülh şəraitində birgə yaşama və iqtisadi əməkdaşlığa ehtiyacı var” fikrini səsləndirən Ermənistan rəsmisi əgər bu bəyanatını səmimiyyətlə söyləyirsə, sadaladıqlarına nail olmağın yeganə yolunun Azərbaycanın işğal olunmuş ərazilərindən Ermənistan silahlı qüvvələrinin çıxarılması və azərbaycanlı məcburi köçkünlərin bu ərazilərə geri dönməsindən ibarət olduğunu dərk etməlidir".

L.Abdullayeva vurğulayıb ki, Ermənistan rəhbərliyi Azərbaycan ilə münasibətləri normallaşdırmadan Ermənistanın heç vaxt tam müstəqil olmayacağını anlamalıdır:

"Demokratik yolla seçildiyini bəyan edən Ermənistan rəhbərliyi ən azından özü və xalqı qarşısında vicdanlı davranmalı və Azərbaycan ərazilərinin işğalından və əhalinin etnik təmizlənməsindən Ermənistanın və erməni xalqının nə qazandığı sualına cavab verməlidir. Bu çox sadə cavabı mən səsləndirməyəcəm, onu Ermənistan rəhbərliyindən eşitmək istərdim".

Tarix
2019.03.05 / 13:01
Müəllif
Firuzə Vahidqızı
Şərhlər
Digər xəbərlər

Ceyhun Bayramov İsveçə getdi

İlham Əliyev pakistanlı naziri qəbul etdi

Ermənistana qarşı iddia: Qərar bu tarixdə açıqlanacaq

Avstraliya parlamentindən “erməni soyqırımı” çağırışı

Saakaşvili: Komediyanın bir hissəsi deyiləm!

İlham Əliyev Rossiya-1-ə müsahibə verdi

XİN: Bu şəbəkənin növbəti iclası ölkəmizdə keçiriləcək

Sahibə Qafarova pakistanlı həmkarı ilə görüşdü

Rəisi: Əlaqələrdə anlaşılmazlığın olması gərək deyil!

İlham Əliyev: İranla əlaqələrə böyük önəm veririk!

KULT
Xəbər xətti
yatsan
Axar.az'da reklam Bağla
Reklam
Bize yazin Bağla