Yuxarı

Vaşinqtonda Azərbaycanla bağlı müzakirə

Ana səhifə Siyasət
12 Punto 14 Punto 16 Punto 18 Punto

Vaşinqton şəhərinin tanınmış təhsil məkanlarından biri olan Corctaun Universitetində “Xəzər regionunda enerji və təhlükəsizlik” mövzusunda panel müzakirələr keçirilib.

Axar.az xəbər verir ki, müzakirələrdə Azərbaycanın ABŞ-dakı səfiri Elin Süleymanov, ABŞ-ın ölkəmizdəki sabiq səfiri və Atlantik Şurasının Qlobal Enerji Mərkəzinin rəhbəri Riçard Morninqstar, “BP America” şirkətinin hökumətlə əlaqələr üzrə direktoru Bob Şer və Corctaun Universitetinin professoru, tanınmış enerji mütəxəssisi Brenda Şaffer iştirak ediblər.

Müzakirələr zamanı səfir E.Süleymanov Xəzər regionunda transregional enerji bağlantıları layihələri, o cümlədən Bakı-Tbilisi-Ceyhan neft kəməri, Bakı-Tbilisi-Ərzurum qaz kəməri və Cənub Qaz Dəhlizinin reallaşmasında Azərbaycanın oynadığı həlledici rolu vurğulayıb, ölkəmizdə enerji sektorunda xarici investisiyalar və özəl sektor üçün yaradılmış şərtləri və şəffaflıq prinsiplərini xüsusi qeyd edib. Səfir ABŞ ilə Azərbaycan arasında enerji sahəsində strateji əməkdaşlığın sözügedən layihələrin həyata keçirilməsində vacib rol oynadığını xatırladıb.

Səfir R.Morninqstar Azərbaycanın enerji layihələrinin ABŞ-ın müxtəlif administrasiyaları tərəfindən dəstəkləndiyini və bu dəstəyin hazırda da davam etdiyini vurğulayıb. ABŞ diplomatı Azərbaycanın Avropanın mürəkkəb enerji arxitekturası üçün əlavə şaxələndirmə imkanları yaradan Cənub Qaz Dəhlizinin əhəmiyyətini bir daha vurğulayıb. O, müxtəlif kəmərlərin və marşrutların təbii qaz bazarının rəqabət qabiliyyətinin artırılmasına xidmət etdiyini bildirib, Cənub Qaz Dəhlizinin perspektivdə Orta Asiya bazarlarına çıxışı təmin edə biləcəyindən danışıb.

BP-nin nümayəndəsi B.Şer şirkətin Azərbaycanda həyata keçirdiyi layihələrdəki fəaliyyətindən və ölkəmizlə uzun illər davam edən uğurlu əməkdaşlığından bəhs edib. Cənub Qaz Dəhlizinin mühəndislik nöqteyi-nəzərdən dünyada ən mürəkkəb layihələrdən biri olduğunu vurğulayan şirkət rəsmisi layihənin bütün seqmentləri çərçivəsində iştirakçı ölkələr və şirkətlər arasında etibarlı tərəfdaşlığın olduğunu qeyd edib.

Corctaun Universitetinin professoru B.Şaffer Azərbaycan rəhbərliyinin praqmatik və uğurlu enerji siyasəti apardığını vurğulayaraq, bu yanaşmanın digər ölkələr üçün də nümunə ola biləcəyini qeyd edib.

Panel müzakirələrin sonunda iştirakçılar Corctaun Universitetinin tələbələri də daxil olan auditoriyanın suallarını cavablandırıb.

Tarix
2019.11.19 / 20:56
Müəllif
Axar.az
Şərhlər
Digər xəbərlər

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

İrəvan Fransanın oyunlarına getməməlidir! - İcma

Paşinyan separatçıları hədələdi: Bir hakimiyyət var!

Bu, Fransanı ciddi narahat edir - Nağıyev

Fransa İrəvanı yeni müharibəyə təhrik edir - DTX rəisi

Azərbaycandan çox şey götürdük, verməyəcəyimizi dedik...

XİN-dən Namiq Abbasovun vəfatı ilə bağlı paylaşım

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla