Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 Yanvar 2020


Zəngilan necə işğal edildi? Şok detallar - Video

Ana səhifə Siyasət
12 Punto 14 Punto 16 Punto 18 Punto

1992-ci ildə Qarabağ müharibəsinin qızğın çağında Ermənistanın o dövrdəki müdafiə naziri Vazgen Manukyan erməni general-polkovniki Yuri Xaçaturova nəyin bahasına olursa olsun, Zəngilan rayonunu işğal etmək barədə əmr verib.

Axar.az xəbər verir ki, bunu erməni nəşrinə Xaçaturovun özü deyib.

Onun sözlərinə görə, Ermənistanın müdafiə naziri bütün cəbhə boyu ağır vəziyyətin müşahidə olunduğundan xəbərdar olub.

“Biz bir neçə istiqamətdə nəzarəti əldən verirdik. Manukyan mənə qeyri-adi nə isə etməli olduğumu dedi. Mən ona Qafan rayonundakı yüksəkliyi nəzarət altına götürməyi təklif etdim. Bu yolla biz düşmənə avtomatlardan belə atəş aça biləcəkdik. Bu dağı nəzarət altına götürsək, sərhədi özümüzdən uzaqlaşdıracaqdıq və düşmən Qafanı müşahidə edə bilməyəcəkdi . Sonrakı hədəf Zəngilana qədər irəliləmək idi”, - deyə erməni general qeyd edib.

Manukyan Xaçaturovu Qafan əməliyyatına rəhbər təyin edib.

“Mənim vəzifəm Qafan istiqamətindən Zəngilana hücum etmək idi, biz buna 15 gün ərzində hazırlaşdıq. Noyabrın 25-26-sı gəldim və bir sıra tədbirlər keçirdim. Əvvəlcə düşmənin iki batalyonunun yerləşdiyi məntəqəni almalı idik. Ora Zəngilandan 6-7 km aralıda yerləşirdi. Düşmən bu məntəqədən bütün massivə nəzarət edirdi. Döyüşdən öncə 300 könüllüdən ibarət batalyon yığdım. Biz ciddi şəkildə hazırlaşırdıq, hər şeyi gizli edirdik, düşmən heç nədən şübhələnmirdi.

Kəşfiyyat çox gizli şəkildə aparılırdı, bizim onların dörd mövqeyini yaxın məsafədən gecə və gündüz izlədiyimizi hiss etmirdilər. Onların bizi gözləmədiyini anladıq və dekabrın 10-da hücum etmək qərarına gəldik. Əməliyyata sübh tezdən saat 6-da başladıq”, – deyə Xaçaturov bildirib.

Onun sözlərinə görə, əvvəlcə düşmən mövqelərinə yaxın olanlar hücuma keçib:

“Təsəvvür edin , 20 əsgər eyni vaxtda qumbara atdı. Onlar bizim kəşfiyyatçılar idi. Sonra piyadalar hücuma keçdi. Biz o məntəqəni ələ keçirə bildik. Daha sonra Zəngilana doğru irəliləmək lazım idi. Ancaq mən tutduğumuz strateji mövqelərdə də əsgər saxlamalı idim. Bu səbəbdən Zəngilana hücum üçün az sayda əsgər qaldı. Zəngilana hələ ki hücum etməmək qərarı aldım ki, bu anda faciə baş verdi. İrəlidə hərəkət edən yeddi nəfər kəşfiyyatçının radiostansiyası xarab olmuşdu və mən onlara bu barədə xəbərdarlıq göndərə bilmədim. Bəlkə də 100 dəfə onlarla əlaqə yaratmağa cəhd etdim. Başda “Mikrob” ləqəbli kəşfiyyat rəisi olmaqla, onların hamısı öldürülmüşdü”, - deyə erməni general davam edib.

O deyib ki, Qafan əməliyyatı uğursuz olardısa, nə Ağdam, nə Zəngilan, nə də Cəbrayılı ələ keçirmək mümkün olacaqdı.

Tarix
2019.12.13 / 16:29
Müəllif
Əli, Vüsal
Şərhlər
Digər xəbərlər

İlham Əliyev Vahid Ələkbərovla razılığa gəldi

İlham Əliyev AYİB sədri ilə görüşdü

İlham Əliyev Xorvatiya Baş naziri ilə görüşdü

Forum prezidentindən İlham Əliyevə unikal hədiyyə - Foto

İlham Əliyev Mövlud Çavuşoğlu ilə görüşdü

İlham Əliyev məşhur şirkətin direktoru ilə görüşdü

Türkiyədən Qarabağ açıqlaması: Bundan sonra da...

Prezident Davosda: Qarabağla bağlı müzakirə... - Şərh

Ermənistanda şok: Nikol bakılılara baş əydi… - Video

Davos forumu açılır: 53 lider, 3 min qonaq

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla