Axar.az
Yuxarı

Ermənistanın əzablı ölümünü müşahidə edirik - Kuznetsov

Ana səhifə Siyasət
12 Punto 14 Punto 16 Punto 18 Punto

Axar.az rusiyalı politoloq, hərbi ekspert Oleq Kuznetsovla müsahibəni təqdim edir:

- Azərbaycanın qələbəsi ilə nəticələnən 44 günlük müharibədən sonra Ermənistan-Azərbaycan münaqişəsinə artıq nöqtə qoymaq olarmı?

- 2020-ci ildə Qarabağ uğrunda baş tutmuş müharibə Azərbaycanın işğal olunmuş torpaqlarında yerləşən erməni qoşunlarının total şəkildə darmadağın edilməsi, erməni cəmiyyətinin ağır mənəvi-psixoloji məğlubiyyətə uğraması ilə başa çatdı. 44 günə ermənilər üst-üstə 70% döyüş texnikasını itirdi, fərariliklə bağlı 10 mindən çox cinayət işi açıldı. Amma müharibədəki məğlubiyyət nə bu ölkənin dövlət quruluşuna, nə ideologiyasına, nə siyasi rejiminə, nə də onun dövlətçiliyinin konstitusiya əsaslarına təsir göstərdi.

Azərbaycan Prezidenti İlham Əliyev Ermənistanı müharibənin siyasi yekunlarını hüquqi cəhətdən möhkəmlətmək üçün sülh müqaviləsi imzalamağa çağırır, lakin cavab olaraq yalnız ATƏT-in Minsk Qrupu formatında danışıqlarda iştirak etmək təklifi gəlir. Əslində, bu gün Ermənistan 1994-cü il Bişkek sənədinin imzalanmasından sonra Azərbaycanın düşdüyü vəziyyətdədir. Buna görə də, zənnimcə, Qarabağ probleminin siyasi səviyyədə yekun həllinə hələ var. Mən dəfələrlə demişəm, münaqişənin tam həlli naminə, Azərbaycanın həm Xankəndiyə, həm Ermənistandakı eksklavlarına, həm də Zəngəzur nəqliyyat dəhlizinə nəzarət etmək üçün yeni müharibəyə və ya irimiqyaslı antiterror əməliyyatlarına gedəcəyini istisna etmirəm.

- Bu halda Ermənistanın xilası necə mümkündür?

- Artıq bir neçə ildir ki, Ermənistanın ölkə kimi mövcudluğunun strateji bir perspektivini görmürəm. Ötən il Qarabağda erməni ordusunun darmadağın edilməsi bu tendensiyanı yalnız gücləndirib. Əgər Azərbaycan öz sərhədlərinin xarici perimetrini silah gücü ilə bərpa edib Naxçıvana dəhliz açarsa, Ermənistanın depopulyasiyası xaos xarakteri alacaq və 15-20 ildən sonra bu ölkədə əmək qabiliyyətli və reproduktiv əhali qalmayacaq. Demək olar ki, artıq Qarabağda əmək qabiliyyətli erməni qalmayıb. Son 30 ildə Ermənistanın mövcud olduğu strategiya öz ölkəsinin və işğal olunmuş Azərbaycan ərazilərinin resurslarını qarət etmək, insan resurslarını və kapitalını xaricə çıxarmaqla diasporunu zənginləşdirmək olub ki, bu da ermənilərin özləri üçün sadəcə olaraq acınacaqlı deyil, məhvedici nəticələrə gətirib çıxarıb. Anladığım kimi, geriyə dönüş nöqtəsi onlar üçün artıq keçilib, indi biz bu ölkənin ləng, əzab-əziyyətli ölümünü müşahidə edirik.

Tarix
2021.09.29 / 13:55
Müəllif
Əli Məmmədov
Şərhlər
Memorial Zefer
Digər xəbərlər

Prezident İSESKO-nun baş direktorunu qəbul etdi

Bakıdan gedən prezident İrəvanda niyə mühasirəyə alındı?

İlham Əliyev Paşinyanla Brüsseldə görüş keçirəcək

Paşinyan daxili radikalların təzyiqi altındadır!

Erməni xalqı müharibənin dərslərini unutmayıb...

Şahin Mustafayev İranın neft naziri ilə görüşdü

İlham Əliyev İrana səfərə dəvət olundu

Şahin Mustafayev İran prezidenti ilə görüşdü

Şuşada beynəlxalq konfrans keçirilir

Bakı-İrəvan görüşü niyə baş tutmadı? - Mirzoyan

KULT
<>
Xəbər xətti
Axar.az'da reklam Bağla
Reklam
Bize yazin Bağla