Rusiya sülhmərmalılarının komandanı general Andrey Volkovun korrupsiya fəaliyyəti ilə bağlı xəbərlər hətta erməni mətbuatında da yayılıb. Sülhməramlıların ermənilərdən rüşvət aldığı, mal-qara və insan daşımaqla pul qazandıqları diqqətə çatdırılıb. Bu, gəlirli bir işdir və separatçı elitanın "köməyi" olmadan baş verə bilməzdi.

Axar.az “Caliber”ə istinadla xəbər verir ki, Volkov Azərbaycanın Qarabağ bölgəsində biznes (üzüm bağları) və qaçaqmalçılıq fəaliyyəti ilə məşğul olub. O, separatçılarla birgə hərəkət edib. Bu Volkovun separatçıların ovaxtkı lideri Arayik Arutyunyana hədiyyəsindən də görünür.

Rusiyalı komandan Arutunyana elə təriflər yağdırıb ki, sanki bu sözləri Arayikin əlaltısı yazıb.