Rusiyanın Yoşkar-Ola şəhərində polis əməkdaşları toy kortejindən atəş açmaqda şübhəli bilinənləri saxlayıblar.

Axar.az xəbər verir ki, bu barədə Rusiya mediası məlumat yayıb.

Toy kortejindən atəş açan şəxslərin azərbaycanlılar olduğu bildirilib.

"Əməliyyatçılar tərəfindən araşdırma aparılıb. Xuliqanlıqda şübhəli bilinən şəxslər saxlanılıblar. Silahlar onlardan müsadirə edilib", - məlumatda bildirilib.

İki sürücüyə qarşı Rusiya Federasiyası İnzibati Xətalar Məcəlləsinin 12.37 və 12.2-ci maddələri ilə inzibati protokollar tərtib edilib. İstintaq materialları əlavə hüquqi araşdırma üçün istintaq orqanlarına göndərilib.