10:11

Leysan səbəbindən çayın daşması Siyəzən rayonunda körpünün aşması ilə nəticələnib.

Axar.az xəbər verir ki, bununla bağlı sosial şəbəkələrdə görüntülər yayılıb.

Bildirilib ki, bir neçə yaşayış məntəqəsi ilə əlaqə kəsilib.

***

Bu gün səhər saatlarında yağan aramsız yağışlar nəticəsində yaranan sel Siyəzən–Məşrif avtomobil yolunun 11-ci km-də Gilgilçay üzərində yerləşən körpünün bir hissəsini uçurub.

Azərbaycan Avtomobil Yolları Dövlət Agentliyindən (AAYDA) verilən məlumata görə, əraziyə AAYDA-nın əməkdaşları cəlb olunub, təhlükəsizlik tədbirləri görülüb.

“Sürücülərdən alternativ olaraq Bakı-Quba-Rusiya Federasiyası ilə dövlət sərhədi yolunun 115-ci km-dən ayrılan Alxanlı yolundan istifadə etmələri xahiş olunur”, - məlumatda qeyd olunur.