11:35

Ağcabədi rayonunun Yuxarı Qiyaməddinli kəndində iki nəfər qətlə yetirilib.

Axar.az xəbər verir ki, qətlə yetirilən şəxslər Arazbar kənd sakini Əliniyaz Əliyev tərəfindən bıçaqlanıb.

Nəticədə 1996-cı il təvəllüdlü Şaiq Telman oğlu Mamedov və 1989-cu il təvəllüdlü Həsən Teymurxan oğlu Mamedov aldıqları xəsarətlərdən həyatlarını itiriblər.

Polis əməkdaşlarının keçirdikləri tədbirlər nəticəsində əməli törətməkdə şübhəli bilinən 22 yaşlı Ə.Əliyev saxlanılıb.

Hadisənin hansı səbəbdən baş verməsi hələ ki bilinmir.

Araşdırma aparılır.

***

Ağcabədi rayonunun Yuxarı Qiyaməddinli kənd sakinləri 1996-cı il təvəllüdlü Şaiq Mamedov və 1989-cu il təvəllüdlü Həsən Mamedovun öldürülmələri bağlı cinayət işi başlanılıb.

Bu barədə Baş Prokurorluq məlumat yayıb.

Belə ki, ilkin araşdırmalarla 2004-cü il təvəllüdlü Əliniyaz Əliyevin şəxsi münasibətlər zəminində bıçaqla xəsarətlər yetirərək Şaiq və Mamedovu qəsdən öldürməsinə əsaslı şübhələr müəyyən edilib.

Faktla bağlı rayon prokurorluğunda Cinayət Məcəlləsinin iki və ya daha çox şəxsi öldürmə maddəsi ilə cinayət işi başlanıb.

Əliniyaz Əliyev iş üzrə prokurorluq tərəfindən şübhəli şəxs qismində tutulub.

Hazırda ibtidai istintaq davam etdirilir.