30 may tarixində Boolood komandası mövsümün ikinci tədbirini İçərişəhərin qala divarlarının yaxınlığında, Bakının ən tanınmış tarixi məkanlarından biri olan Qoşa Qala Qapısının ətrafında keçirib. Tədbir Azərbaycanın innovasiya lideri Bakcell-in dəstəyi ilə baş tutub.

Beləliklə, Bakı sakinləri və şəhərin qonaqları unikal fürsət əldə ediblər — gündüz İçərişəhərin dar küçələrində gəzərək əsrlərin tarixini hiss etmək, axşam isə müasir Bakının dinamik atmosferinə qoşulmaq imkanı qazanıblar.

Gecənin hedlaynerləri beynəlxalq səhnənin tanınmış artistləri olub. Afro House və Melodic House janrlarının yüksələn simalarından olan JUNO dərin ritmləri və emosional melodiyaları ilə çıxış edib. Tədbirdə həmçinin melodic house və indie dance səhnəsinin tanınmış prodüserlərindən biri olan LUCH səhnə alıb. Onun musiqiləri Keinemusik, Black Coffee, RÜFÜS DU SOL və Adriatique kimi dünya şöhrətli sənətçilər tərəfindən dəstəklənir.

Gecə ərzində Azərbaycanın tanınmış DJ-lərindən Ronfoller də çıxış edərək iştirakçılara unudulmaz musiqi təcrübəsi yaşadıb.

Bu dəfəki məkan 16 may tarixində keçirilmiş əvvəlki tədbirlə müqayisədə daha kiçik olsa da, tədbirə təxminən 8 min nəfər qatılıb. Marağın yüksək olması səbəbindən təşkilatçılar tədbirdən bir həftə əvvəl pulsuz GA zonası üçün qeydiyyatı dayandırıblar.

Boolood komandası artıq növbəti layihəsini də elan edib. Mərkəzi Nəbatat Bağında keçiriləcək tədbirin bu yayın ən böyük və ən çox müzakirə olunan hadisələrindən birinə çevriləcəyi gözlənilir.

Ətraflı məlumat almaq, pulsuz GA zonası üçün qeydiyyatdan keçmək və VIP zona biletlərini əldə etmək üçün bld.az saytına daxil olmaq mümkündür.

Qeyd edək ki, 30 may tarixində keçirilən boolood tədbirinin rəsmi tərəfdaşları Bakcell, Coca-Cola və Bir Bonus olub.