Sərfəli mobil operator “Nar”ın dəstəyi ilə “Breyn Rinq” bilik yarışının 28-ci mövsümü başlayır. Yeni mövsümdə 14 region və 10 universiteti təmsil edən 25 komanda “Bilik Kuboku” uğrunda mübarizə aparacaq. “Nar” yarışda iki komanda – “Nar” və Göyçayın “Nar+” komandası ilə təmsil olunur.

Qaydalara əsasən, “Breyn Rinq” bilik yarışı çərçivəsində il ərzində iki mövsüm keçirilir. Birinci mövsümdə “Nar” Kubokunun, ikinci mövsümdə isə “Bilik Kuboku”nun sahibi müəyyənləşir. Bu mövsümün sonunda “Bilik Kuboku”nun qalibi Azərbaycan Çempionu adı uğrunda “Nar” Kubokunun sahibinə qarşı mübarizə aparacaq. Əgər “Nar” Kubokunun sahibi Göyçayın “Nar+” komandası olarsa, komanda birbaşa Azərbaycan Çempionu titulunu qazanacaq.

Qeyd edək ki, elm və təhsilə dəstək “Nar”ın korporativ sosial məsuliyyət strategiyasının əsas istiqamətlərindən biridir. Mobil operator uzun illərdir intellektual layihələrin inkişafına dəstək göstərir və 14 ildir, “Breyn Rinq”in əsas dəstəkçilərindən biridir. Mobil operatorun həyata keçirdiyi digər sosial layihələr haqqında nar.az/projects səhifəsindən məlumat əldə edə bilərsiniz.

Hazırda 2,2 milyon abunəçiyə xidmət göstərən “Nar” son 7 il ərzində Müştəri Loyallığı İndeksi göstəricisinə əsasən Azərbaycanda lider mobil operatordur. Bu uğurun arxasında “Nar”ın ardıcıl şəkildə həyata keçirdiyi müştəriyönümlü strategiya dayanır. Mobil operator istifadəçilərinə sərfəli qiymət qarşılığında dayanıqlı və yüksəkkeyfiyyətli rabitə xidmətləri, müxtəlif internet paketləri və müasir eSim texnologiyası təqdim edir.