Yuxarı

Psixoloq : "Özünə cəza vermək istəyən kişilər yanmağı seçir"

Ana səhifə Toplum
12 Punto 14 Punto 16 Punto 18 Punto

Kişilər arasında intihar məqsədilə özünü yandırmaq halları artıb.

Bu haqda Ə.Əliyev adına Azərbaycan Dövlət Həkimlərin Təkmilləşdirmə İnstitutunun (ADHTİ) Plastik və Rekonstruktiv Cərrahiyyə Klinikasının Yanıq şöbəsinin həkim-cərrahı Ülviyyə Zeynalova Reporta-a açıqlamasında məlumat verib:

“Özünü yandıraraq intihar etmə halları qadınlar arasında əvvəllər çoxluq təşkil etsə də, keçən il kişilər arasında bu göstərici daha çox müşahidə olunub. Yanıqlar – termiki, kimyəvi, elektrik, günəş və şüanın təsirindən orqanizmin dəri və toxumalarının zədələnməsidir. Yanıqlar I, II, III və IV dərəcəli olur. Bunlardan ən ağırı IV dərəcəli yanıqlardır. Belə ki, bu yanıqlar nəinki dərini, eləcə də alt qatda yerləşən bütün toxumaları, bəzən də sümükləri əhatə edir. Bu zaman əzələ “bişmiş ət” şəklini alır”.

Həkim-cərrahın açıqlaması bir sualı gündəmə gətirir: Kişilərin özünü yandırmağa meylli olmasının səbəbi nədir?

Müsavat.com saytına mövzu ilə bağlı danışan psixoloq Vəfa Rəşidova bildirib ki, insanın seçdiyi intihar növü onun psixoloji durumundan asılıdır:

“İnsanlar müxtəlif intihar növlərinə üz tutur. Bu onların şəxsi, psixoloji durumundan asılıdır. Əgər bir şəxs özünü cəzalandırmaq istəyirsə, özünü yandırır. İntihar edən şəxslərin psixologiyasına nəzər salanda görürük ki, sözügedən şəxs uzun zaman depressiya yaşayıb, həyatdan yorulub, özü ilə bağlı problemləri aşa bilməyib. Nəhayət, özünü cəzalandırmaq üçün canına qəsd edib. Yaxınlarını cəzalandırmaq istəyən şəxs isə intiharı onların gözü qarşısında edirlər. Düşünürlər ki, onların bu addımı yaxınlarına ən böyük cəzadır.

Kişilərin özünü yandırmağa üstünlük verməsinin səbəbi isə yaşla əlaqədardır. Yeniyetmələr heç zaman belə intihara əl atmaz. Əsasən, 40-50 yaşı keçmiş kişilər özünü yandırır. Burada xarakterin də önəmi var. Kişilər adətən ağır intihar növünə müraciət edirlər”.

V. Rəşidova intihar hallarının artmasında medianın rolundan da danışıb:

“Mediada yayımlanan intihar xəbərlərinin insanların psixologiyasına güclü təsir etdiyini demək olmaz. Əsasən həssas və psixoloji durumu yerində olmayan insanlar bu cür xəbərlərdən təsirlənir. Bu da çox az hallarda baş verir. İntihar xəbərlərində yeniyetmələr və gənclər intihar təsirlənə bilər. Orta yaşlı insanlarda isə əsasən gərginlik və stress yaşadır. Ona görə bu cür xəbərlərin mediada az yer almasının tərəfdarıyıq”.

Tarix
2017.03.05 / 20:25
Müəllif
Axar.az
Şərhlər
Digər xəbərlər

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla