Axar.az
Yuxarı

Atletlər kəndi satışa çıxarılır

Ana səhifə Toplum
12 Punto 14 Punto 16 Punto 18 Punto

Bakıda keçirilmiş I Avropa Oyunları və IV İslam Oyunları zamanı idmançıların qalması üçün ayrılan Atletlər kəndindəki binaların satışa çıxarılacağı gözlənilirdi.

Modern.az xəbər verir ki, Gənclər və İdman naziri Azad Rəhimov hələ İslam Oyunlarından öncəki açıqlamalarının birində bunu istisna etməmişdi. Maraqlıdır, Atletlər kəndindəki binalarla bağlı hansısa yeniliklər var?

Mövzuya Gənclər və İdman Nazirliyinin mətbuat katibi Səmayə Məmmədova aydınlıq gətirib. O, sayta deyib ki, Atletlər kəndindəki bir neçə binanın satışa çıxarılması məsələsi hazırda gündəmdədir.

“2015-ci il Avropa Oyunları ilə bağlı AZINCO şirkəti ilə müqavilə bağlanmışdı. Müqavilənin müddəti 2017-ci ilin iyun ayının sonlarına qədər idi. Müqavilədə Atletlər kəndində nə qədər bina var idisə, onların icarəyə götürülməsi öz əksini tapmışdı. Artıq oyunlar bitib. Sadəcə, bu məsələlərlə bağlı təhvil-təslim işləri qalır. Bundan sonra binaların hamısı AZİNCO şirkətinə geri qaytarılacaq.

Digər bir məqam da var. AZİNCO şirkəti Atletlər kəndindəki bir neçə binanın ehtiyat olaraq boş saxlanılması təklifini irəli sürüb. Nəzərə alsaq ki, qarşıda ölkəmiz bir sıra böyük tədbirlərə ev sahibliyi edəcək, bu səbəbdən də lazım olacağı təqdirdə həmin binalardan istifadə mümkündür. Çünki bu binalar böyük yarışlar zamanı təcrübədən keçmiş yaşayış yerlərdir”.

Nazirlik rəsmisinin sözlərinə görə, binaların içindəki avadanlıqların bir hissəsi artıq satışa çıxarılıb:

Atletlər kəndində yerləşən binaların içindəki avadanlıqların bir hissəsi gəlirlərin büdcəyə qaytarılması şərtilə satışa çıxarılıb və satılır. Digər hissəsi isə müəyyən dövlət qurumları, idman obyektlərinə verilir. Atletlər kəndindəki binalarda bəzi texniki avadanlıqlar, İT qurğuları var ki, onlara dəyilməyəcək. Yəni onlar satışa çıxarılmayacaq. Çünki hələ qarşıda böyük tədbirlər planı, yarışlar var. Həmin texnologiyalara toxunmamaqla bağlı təcrübə mövcuddur. Həmçinin, həmin texnikanı yenidən quraşdırmaq çətin məsələdir”.

Tarix
2017.06.06 / 09:48
Müəllif
Axar.az
Şərhlər
Memorial Zefer
Digər xəbərlər

Millət vəkili şəhidimizin anası ilə görüşdü

İlham Əliyev 1 sərəncam, 1 fərman imzaladı

Mərhum doğmasının qəbrinə basdırıldı, müzakirə yarandı

DTX işçilərinin aylıq vəzifə maaşlarının məbləğləri... - Qərar

Azərbaycanda koronavirusla bağlı bu tələb ləğv edildi

AQTA-dan sahibkarlara xəbərdarlıq

Nəbiyev Səlcuq Bayraqdarla görüşdü - Foto

Bəzi dövlət rüsumları ləğv edildi

Rusiya məhkəməsi Əsgərov barəsində həbs qərarı çıxardı

“Qara məhsullar”a endirim etdi, qalmaqal yarandı - Video

KULT
<>
Xəbər xətti
Axar.az'da reklam Bağla
Reklam
Bize yazin Bağla