“Maarifçi” Tələbə Kredit Fondu təhsil krediti almaq istəyən tələbələr üçün növbəti elan sessiyasına start verib.

Axar.az xəbər verir ki, fond dördüncü sessiyasında 2017-2018-ci tədris ili üzrə təhsil alan və aztəminatlı ailələrdən olan tələbələrə təhsil haqqı üzrə faizsiz kreditlər təqdim edib.

Azərbaycan Respublikasının vətəndaşı olan, müvafiq təsisçi universitetlərin birində təhsil alan və təhsilini davam etdirmək üçün maliyyə yardımına ehtiyac duyan tələbələr kredit üçün müraciət edə bilər.

Elan sessiyasının ən üstün cəhəti isə faizsiz kreditin əvvəlki təhsil krediti müqavilələrinə də şamil olunmasıdır.

Qeyd edək ki, tələbələr oktyabrın 13-dək kredit almaq üçün müraciət edə bilərlər. Təhsil kreditlərinin növləri və şərtləri, seçim meyarları və müraciət forması ilə bağlı ətraflı məlumat fondun rəsmi saytında (http://maarifci.az) qeyd olunub.