16:14

Bakıxanov qəsəbəsi, Yaşar Əliyev küçəsində Akkorda məxsus binanın 20-ci mərtəbəsinə çıxan gənc intihar etmək istəyir.

Axar.az xəbər verir ki, FHN-in xilasediciləri hadisə yerindədir. Onunla profilaktik söhbət aparılır. Gənc yerli sakindir. Hadisə haqda polisə gəncin anası xəbər verib. İntihara səbəb kimi onun borclu olması göstərilir. Bu dəqiqələrdə hələ də gənc intihar fikrindən dönməyib.

19:32

Fövqəladə Hallar Nazirliyi Bakıxanov qəsəbəsi, Yaşar Əliyev küçəsində Akkorda məxsus binanın 20-ci mərtəbəsinə çıxan gəncin intihar cəhdi ilə bağlı məlumat yayıb.

Axar.az FHN-in rəsmi saytına istinadən xəbər verir ki, Bakı şəhəri, Sabunçu rayonunda bir nəfər intihar etmək məqsədilə çoxmərtəbəli binanın damına çıxıb.

Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Vətəndaşla aparılmış psixoloji söhbətlər nəticəsində intihara cəhdin qarşısını almaq mümkün olub. Vətəndaş aidiyyəti üzrə təhvil verilib. Əməliyyat saat 15:42-də başa çatıb.