Azərbaycanda qeyri-ciddi, hətta müəyyən məqamda gülməli təsir bağışlayan kənd adları hələ də qalmaqdadır.

Axar.az xəbər verir ki, mövzunu növbəti dəfə siyasi elmlər üzrə fəlsəfə doktoru Zaur Əliyev gündəmə gətirib. Alim bildirib ki, bu kənd adlarının mahiyyətini anlamaqda çətinlik çəkir.

“Məsəl üçün: Göyçayda Mırtı, Potu, Yekəxana, Goranboyda Rus Borisi, Kəlbəcərdə Bağırsaq, Dovşanlı, Qoturlu, Lev, Şaplar, Taxtabaş, Güzeyçirkin, Ağsuda Bico, Füzulidə Quraşdırma ev, Qarğabazar, Arış, Çimən, Gecəgözlü, Gorazıllı, Mandı, Bərdədə Əyricə, Kafarlı, Piyadalar, Dəymədağlı, Zəngilanda Aşağı Yeməzli, Ördəkli, Zərdabda Burunlu, Gəlmə, Şəmkirdə Muxtariyyət, Siyəzəndə Sağolcan, Samuxda İnstitut, Lüksemburq, Neftçalada Qızqayıtdı, Qəbələdə Dandıq, Bılıx, Masallıda Ətçələr, Qarğalıq, Babaser, Dəmbəlov və s.”, - Z.Əliyev qeyd edib.

Xatırladaq ki, Milli Məclis bəzi kənd adlarının deyilişi və mənasının münasib olmaması səbəbindən dəyişdirilməsi barədə qərar qəbul etsə də, hələ də bu tip adlar qalmaqdadır.