Ana səhifə Toplum |
Dünən, 31 iyul 2014-cü il tarixdə Bakı Ağır Cinayətlər Məhkəməsində hakim Rauf Əliyevin sədrliyi ilə 130110422 N-li "Ceyhun Maqsudovun ölümü ilə bağlı" cinayət işinə baxılıb.
Axar.az xəbər verir ki, Xətai rayon prokurorluğunun apardığı 10 aylıq istintaq prosesində Yusif Kamil oğlu Məhərrəmov mərhumu bıçaqla vurduğunu etiraf etsə də, müstəntiq yetkinlik yaşına çatmayan Kinyaz Kinyazlını qatil elan edib.
Məhkəmə prosesində hakim Rauf Əliyev özünü çox kobud apararaq düzgün ifadə verən şahidə "əə, deyəsən hallısan... hallanmısan" kimi hakim adına yaraşmayan ifadələr işlədərək narazılığa səbəb olub. Rauf Əliyevin hərəkətləri o qədər narazılıq yaradıb ki, məhkəmənin gedişində Yusif Məhərrəmov hakimin hərəkətlərinə etiraz olaraq ülgüclə 3 dəfə özünü qarın nahiyəsindən doğrayıb.
Bunu görən hakim Rauf Əliyev "konvoyy... konvoyy" qışqıraraq məhkəmə zalından qaçıb.
Məhkəmə avqustun 4-də davam etdiriləcək.
Tarix
2014.08.01 / 15:47
|
Müəllif
Anar Əhmədov
|