Axar.az FHN-nin rəsmi saytına istinadən bu gecə ölkəmizin bölgələrində baş verən hadisələrin xronikasını təqdim edir:

Şəmkir rayonu, Kür qəsəbəsində vətəndaşa məxsus dülgər sexinin ərazisində taxta yonqarları 40 kv.m sahədə yanıb. Yaxınlıqdakı sex və əraziyə yığılmış taxta məmulatları yanğından mühafizə olunub. Yanğın saat 00:43-də yanğınsöndürənlər tərəfindən söndürülüb

***

Şəmkir rayonu, Sabirkənd kəndində (rayon mərkəzindən 18 km aralı) vətəndaşa məxsus ümumi sahəsi 169 kv.m olan birmərtəbəli 3 otaqlı evin yanar konstruksiyaları yanıb. Yaxınlıqdakı tikililər yanğından mühafizə olunub. Yanğın saat 03:31-də yanğınsöndürənlər tərəfindən söndürülüb.

***

Quba rayonu, İspik kəndində (rayon mərkəzindən 10 km aralı) istirahət mərkəzinin ərazisində vətəndaşa məxsus ümumi sahəsi 900 kv.m olan birmərtəbəli mansard tipli restoranın mansardının yanar konstruksiyaları yanıb. Restoranın qalan hissəsi yanğından mühafizə olunub. Yanğın saat 04:34-də yanğınsöndürənlər tərəfindən söndürülüb.

***

Bakı şəhəri, Xətai rayonunda doqquzmərtəbəli yaşayış binasının 2-ci mərtəbəsinin pilləkən qəfəsində 8 ədəd elektrik sayğacı yanıb. Mənzillər yanğından mühafizə olunub. Yanğın saat 04:40-da yanğınsöndürənlər tərəfindən söndürülüb.

***

Fövqəladə Hallar Nazirliyinin "112" qaynar telefon xəttinə daxil olan məlumata əsasən, Bakı şəhəri, Binəqədi rayonunda döyüş sursatı aşkarlanıb. Dərhal Fövqəladə Hallar Nazirliyinin müvafiq qurumlarının mütəxəssisləri və xilasediciləri lazımi tədbirlərin görülməsi üçün hadisə yerinə cəlb edilib, aidiyyəti qurumlar məlumatlandırılıb. Nazirliyin mütəxəssisləri aşkarlanmış sursata baxış keçiriblər. Müəyyən olunub ki, bu, 1 ədəd top mərmisinin gövdəsidir. Mərminin gövdəsi götürülərək ərazidən uzaqlaşdırılıb. Xilasedicilər hüquq-mühafizə orqanlarının əməkdaşları ilə birlikdə əraziyə təkrar baxış keçirib və digər şübhəli əşya aşkar edilməyib. Əməliyyat saat 02:25-də başa çatıb.

***

Şamaxı rayonu, Şərədil kəndində (rayon mərkəzindən 20 km aralı) bələdiyəyə məxsus 1 ha sahədə müxtəlif ağaclar və 1.5 ha sahədə kol-kos yanıb. Yaxınlıqdakı meşə zolağı yanğından mühafizə olunub. Yanğın saat 17:54-də yanğınsöndürənlər tərəfindən söndürülüb.

***

Bakı şəhəri, Səbail rayonunda üçmərtəbəli yaşayış binasının 3-cü mərtəbəsində vətəndaşa məxsus ümumi sahəsi 170 kv.m olan 2 otaq, aynabənddən ibarət evin hamam otağına yığılmış paltarlar və kitablar 9 kv.m sahədə yanıb. Mənzil yanğından mühafizə olunub. Yanğın saat 19:40-də yanğınsöndürənlər tərəfindən söndürülüb

***

Sabirabad rayonu, Nərimankənd kəndində vətəndaşa məxsus 10 ton ot bağlamasının 3 tonu yanmışdır. Ot bağlamasının qalan hissəsi yanğından mühafizə olunmuşdur. Yanğın saat 19:44-də yanğınsöndürənlər tərəfindən söndürülüb

***

Şirvan şəhərində ASC-yə məxsus ümumi sahəsi 12 kv.m olan tikilinin dam örtüyünün yanar konstruksiyaları və içərisinə yığılmış məişət tullantıları yanıb. Yaxınlıqdakı tikililər yanğından mühafizə olunub. Yanğın saat 20:59-da yanğınsöndürənlər tərəfindən söndürülüb.

***

Şəki rayonu, Kiş kəndində (rayon mərkəzindən 8 km aralı) dağlıq ərazidə 2 ha sahədə kol-kos və qurumuş ağac kötükləri yanıb. Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin 2 ədəd yanğınsöndürmə avtomobili, 62 nəfər yanğınsöndürənlər və 38 nəfər kənd əhalisi cəlb olunub. Yaxınlıqdakı meşə zolaqı yanğından mühafizə olunub. Yanğın saat 21:36-da yanğınsöndürənlər tərəfindən söndürülüb

***

Lənkəran rayonu, Seyidəkəran kəndində (rayon mərkəzindən 18 km aralı) vətəndaşa məxsus 2 ton ot bağlamasının 500 kq-ı yanıb. Ot bağlamasının qalan hissəsi yanğından mühafizə olunub. Yanğın saat 22:45-də yanğınsöndürənlər tərəfindən söndürülüb.

***

Cəlilabad rayon, Bəcirəvan kəndində (rayon mərkəzindən 15 km aralı) meşə bərpası idarəsinə məxsus ərazidə 8 ha sahədə meşə zolağı, qurumuş ağaclar, kötüklər və kol-kos yanmışdır. Hadisə yerinə Fövqəladə Hallar Nazirliyinin Aviasiya Dəstəsinin 2 ədəd helekopteri, Dövlət Yanğından Mühafizə Xidmətinin 6 ədəd yanğınsöndürmə avtomobili, 73 nəfər yanğınsöndürənlər və 40 nəfər meşə təsərrüfatı işçiləri cəlb olunub. Meşə ərazisinin qalan hissəsi yanğından mühafizə olunub. Yanğın saat 23:21-də yanğınsöndürənlər tərəfindən söndürülüb.

***

Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olan məlumata əsasən, 12 avqust 2014-cü il tarixində Kür çayının Sabirabad rayonu ərəzisindən keçən hissəsində batmış 1980-ci il təvəllüdlü Səfərov Rəşad Nəriman oğlunun axtarışları başa çatıb. R.Səfərovun cəsədi batdığı yerdən 100 metr aralıda (ən yaxın xilasetmə məntəqəsindən təxminən 23 km aralı, nəzarət olunmayan ərazidə) "Cənub" dalğıc axtarış qrupunun xilasediciləri tərəfindən tapılaraq çıxarılmış və aidiyyəti üzrə təhvil verilib. Əməliyyat saat 02:00-da başa çatıb.

***

Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Bakı şəhəri, Nərimanov rayonunda onmərtəbəli yaşayış binasının liftində 2 nəfər köməksiz vəziyyətdə qalıb. Hadisə yerində əməliyyat şəraiti qiymətləndirilərkən məlum olmuşdur ki, lift texniki nasazlıq səbəbindən 10-cu mərtəbədə dayanıb. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə liftin qapılarını açmış və vətəndaşların liftdən çıxmasına şərait yaradıbar. Əməliyyat saat 01:31-də başa çatıb.