Yevlax rayonunun, Hürüuşağı kəndində 1 nəfərin ölümü ilə nəticələnən yol qəzası baş verib.

Axar.az xəbər verir ki, "VAZ" minik avtomobili ilə "Kamaz" markalı yük avtomobili toqquşub.

Qəza nəticəsində minik avtomobilinin sahibi 1968-ci il təvəllüdlü Mamedov Aslan Məmmədəli oğlu maşında sıxılmış vəziyyətdə qalıb. Hadisə yerinə dərhal Fövqəladə Hallar Nazirliyinin müvafiq xilasetmə qüvvələri cəlb olunub. Xilasedicilər hadisə yerinə gələnə qədər avtomobildə olan digər sərnişin vətəndaşlar tərəfindən çıxarılıb.

Xilasedicilər avtomobildə sıxılmış vəziyyətdə qalan sürücünü çıxararaq Təcili Tibbi Yardım xidmətinə təhvil veriblər.

Yaralı xəstəxanaya aparılarkən yolda vəfat edib.