Axar.az
Yuxarı

Bakı-Ankara arasında bu sahədə protokol imzalandı - Foto

Ana səhifə Toplum
12 Punto 14 Punto 16 Punto 18 Punto

Azərbaycan ilə Türkiyə arasında beynəlxalq avtomobil daşımaları sahəsində protokol imzalanıb.

Nəqliyyat, Rabitə və Yüksək Texnologiyalar Nazirliyinin ictimaiyyətlə əlaqələr sektorundan Axar.az-a bildirilib ki, İzmir şəhərində beynəlxalq avtomobil əlaqələri sahəsində Azərbaycan-Türkiyə Qarışıq Komissiyasının növbəti iclası keçirilib.

İclasın məqsədi Azərbaycan Respublikası ilə Türkiyə Respublikası arasında həyata keçirilən beynəlxalq avtomobil daşımaları sahəsində əməkdaşlığın daha da inkişaf etdirilməsi, eyni zamanda ölkələrimiz arasında bağlanmış ikitərəfli Sazişin tələblərinin icrası olub.

Görüşdə Azərbaycan nümayəndə heyətinə Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidmətinin rəisi Həbib Həsənov, Türkiyə nümayəndə heyətinə Nəqliyyat və İnfrastruktur Nazirliyinin avtomobil daşımalarının tənzimlənməsi baş idarəsinin rəisi Mahmut Gürses rəhbərlik edib.

İclasda iki ölkə arasında beynəlxalq avtomobil daşımaları sahəsində mövcud vəziyyət, ticarət əlaqələri üzrə və hər iki ölkənin avtodaşıyıcıları tərəfindən “İcazə” blanklarının istifadəsi ilə bağlı statistik məlumatların mübadiləsi, yük və sərnişin daşımaları zamanı avtodaşıyıcıların qarşılaşdığı problemlər və onların həlli yolları kimi məsələlər müzakirə olunub. Eyni zamanda, “Bakı-İstanbul-Bakı” sərnişindaşıma marşrutlarında iştirak edən avtobusların sayı ilə əlaqədar paritetliyin gözlənilməsi, “Bakı-Tbilisi-Qars” dəmir yolunun istifadəyə verilməsi ilə bağlı qarşıda duran məsələlər, Azərbaycan Respublikasının ümumi istifadəsində olan avtomobil yolları ilə hərəkət edən iriqabaritli və ağırtonnajlı xarici nəqliyyat vasitələrinin icazə verilən çəkisi ilə Vergi Məcəlləsinin 211.2 maddəsi arasında olan uyğunsuzluq, hər iki ölkənin avtodaşıyıcılarının viza alınması prosedurlarının sadələşdirilməsi ətrafında fikir mübadiləsi aparılıb.

Naxçıvan Muxtar Respublikasının avtodaşıyıcılarının Türkiyə ərazisi ilə Gürcüstana və digər ölkələrə səfəri zamanı “Sədərək-Dilucu” sərhəd-keçid məntəqəsindəki mövcud problemlər, 2019-cu ildə daşımaların həyata keçirilməsi üçün istifadə olunan “İcazə” blanklarının kvota sayı, daşımaların inkişaf perspektivləri və digər aktual məsələlərlə bağlı danışıqlar aparılıb.

Dövlət avtomobil nəqliyyatı xidmətinin rəisi Həbib Həsənov son illər ölkəmizdə nəqliyyat sahəsində həyata keçirilən irimiqyaslı islahatlardan, yol-nəqliyyat strukturundakı yeniliklərdən, həyata keçirilən iri regional layihələrdən danışıb.

Qarışıq Komissiyanın növbəti iclasında yuxarıda qeyd edilən məsələlər, həmçinin reqlamentdə nəzərdə tutulan aidiyyəti üzrə digər aktual məsələlər də müzakirə edildikdən sonra nümayəndə heyətləri arasında müvafiq protokol imzalanıb.

Tarix
2018.12.14 / 19:03
Müəllif
Axar.az
Şərhlər
Digər xəbərlər

Baş Prokurorluqdan Çaxalyanla bağlı - Açıqlama

Düşmənin bu silahdan istifadə etməsi barədə - Bəyanat

Rus icması Ordumuza dəstək üçün avtoyürüş keçirdi - Foto

İcra başçısı baş konsulla görüşdü

Səbaildə oğurluqla məşğul olan 3 qardaş tutuldu

Ombudsman dünya ictimaiyyətinə müraciət etdi

Ermənilər Ağcabədiyə raket atdı, qəbiristanlıq dağıldı

Bazar günü hava necə olacaq?

Abşeronda kişi arvadını öldürdü

Düşmən Tərtərə 30-a yaxın top mərmisi atdı

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla