Keçmiş Sovet məkanında ilk müstəqil telekanal olan ANS bu gün 23 yaşını qeyd edir.

1990-cı ildə 3 gənc jurnalist - Vahid və Seyfulla Mustafayev qardaşları və Mirşahin Ağayev tərəfindən yaradılan ilk müstəqil televiziya fəaliyyətə başladığı gündən etibarən tamaşaçıların diqqətini çəkməyi bacarıb.

Azərbaycan Dövlət Televiziyasının binasında götürdükləri kiçik bir otağı studiyaya çevirərək 1992-ci il martın 2-dən etibarən öz proqram siyasətlərini həyata keçirməyə başlayıblar.

ANS-ə ən çox məşhurluq gətirən isə Qarabağ müharibəsi zamanı cəbhə xəttindən hazırladıqları reportajlar və Cingiz Mustafayevin Xocalı faciəsi ilə bağlı dəhşətli tarixi kadrları olub.

Hazırda ANS Şirkətlər Qrupuna ANS TV ilə yanaşı Çingiz Mustafayevin adını daşıyan ANS ÇM radiosu, ANS PRESS xəbər portalı, "BakıFilm" Kinostudiyası da daxildir.

Daim özünün yeni layihələri ilə tamaşaçılarını sevindirən ANS televiziyasını biz də səmimi qəlbdən təbrik edirik.