Ötən gün küçədən tapılan 6-7 yaşlarında qızın valideynləri və yaxınları axtarılır.

Bu barədə Axar.az-a Azərbaycan Uşaqlar Birliyinin sədri Kəmalə Ağazadə məlumat verib.

K.Ağazadə bildirib ki, balaca qızla bağlı heç bir əlavə məlumatları yoxdur. Onun dəqiq yaşı və soyadını da öyrənə bilmirlər:

“Adı Məxmərdir, dediyinə görə, Məryəm deyirlər. 3 aprel tarixində Nəsimi rayon 3-cü mikrarayon ərazisində valideynsiz olduğunu görüb, polis əməkdaşları Azərbaycan Uşaqlar Birliyinin Uşaq Sığınacağına gətirib. Dünən telekanalların bir çoxunda Məryəmin valideyn və yaxınlarının axtarşı ilə bağlı süjetlər də göstərilib. Ancaq heç bir məlumat yoxdur.

Əgər onu tanıyan varsa, xahiş edirik, təşkilatın (055) 466 08 06 nömrəli Qaynar xəttinə məlumat versin”.

K.Ağazadə bildirib ki, uşaq Yevlax raronundandır. Uşaq anasının adının Əfsanə olduğunu deyib.

Uşaq gecə saatlarında tapılarkən cibində az sayda qəpik və manat olub.

Sığınacaq sədri bildirib ki, azyaşlının diləndirilmə, təhsildən yayındırılma halları da ehtimal olunur.